Beti Humari Parchai Tumhari

Kya Kahoon Parchai Hai Teri

God Mein Jo Beti Hai Meri

Chehra Iska Tujhsa Hai Deekhta

Kaise Khuda Kissis Ko Hai Likhta

Aankhein Ghumakar Honth Dabana

Yaad Dilaye tera Har Fasana

Bahon Mein Jab Tum Isse Apni Loge

Miloge Pita Se....

... Saatvein Aasman Par Hoge

Kahoge God Mein Le Isse Jab Beti

Dhadkane Bhi Tumhari...

... Tumhe Sunai Degi

Tumhare Jaise Aawaz Hai Deti 

Kuch Aisi Hai Humari Beti

Ashru Dhara Aankh Se Bahegi

Pita Prem Ki Wo Kahani Kahegi

Mantra Mugdh Uski Har Harkat Karegi

Khushiyon Se Beti Jeewan Bharegi

Nanhe Haath Jab Tumko Pakadenge

Pitritav Mein Ye Tumko Jakadenge

Haath Fir Iska Kaise Chodoge

Apna Moh Iss-sse Kaise Todoge

Pehali Baar Jab Tumhaare Paas Hasegi

Tasvir Tumhari aankhon Mein Bassegi

Haroz Ye Kuch Naya Kar Rahi Hai

Waqt Ke Saath Ye bhi Badh Rahee Hai

Har Harkat Par Tum Isski Hasoge

Dekhna Aise Tum Pita Moh Mein Fassoge

Abb Kyun Jeewan Mein Udassi Hai Chaai

Chinta Gamman Karne Ko Beti Hai aayee

Aise Nahi Beti Rabb Ne Banai

Ye To Hai Humari Parchai

Saachi Jab Kyra Se Milega

Dekhna Chupke Se Aankhein Bharega

Pyar Hai Kitna Dil Mein Tumhare

Bayan Karenge Har Lafaz Mithe Pyaare

Chahe Main Tumko Samajh Naa Paaun

Aaj Ek Baat Tumko Bataaun

Beti Tumhara Mann Padhegi

Har Kshann Tuhaare Saath Khadegi

Maa Se Jyada Tumh Mein Ramegi

Itni Iski Tumhari Banegi.

© Impressions